Endamê Desteya Rêber ya KNK`ê Dr. Kamuran Berwarî diyar kir ku li Başûr PKK ne dagirkere û got: “Daxuyaniya Nêçîrvan Barzanî ne xizmeta PDK’ê dike, ne jî ya doza gelê Kurd dike.”
Bertekên li dijî gotinên Serokê Hikûmeta Herêma Kurdistanê û Cîgirê Serokê PDK’ê Nêçirvan Barzanî ku gotibû`PKK beşek ji xaka Herêma Kurdistanê dagirkiriye’ didomin.
Endamê Desteya Rêberiya KNK`ê Dr. Kamuran Berwarî eşkere kir ku ew gotinên Barzanî ne di berjewendiyê gelê Kurd û ne jî di berjewendiyê PDK`ê de ne û got; “PKK hêzeke Kurdistanê ye û ji bo rizgarkirina hemû gelê Kurd têkoşînê dike. Ji bo statûyekî siyasî û demokratîk ya Kurdsitanê kar dike.Dr. Kamûran Berwarî Nêçîrvan Barzanî rexne kir û wiha axivî: “Ew daxuyaniya Nêçîrvan Barzanî ji bo Tirkiyê dibe hincetek ku bikeve xaka Başurê Kuridstanê. Ew gotinên Barzanî ne di berjewendiyê gelê Kurd û ne jî di berjewendiyê PDK`ê dene. PDK yekem zerermend dibe ji hatina Tirkiyê ya xaka Herêma Kurdistanê. PKK li Başûr ne dagirker e. Kurdistan yek parçeye Bakur, Başûr, Rojhilat û Rojavayê wê nîne. Ew sinorên ku ji bo Kurdistanê hatine danîn ji derveyî îradeya gelê Kurd e û em wan sinoran nas nakin. PKK hêzeke Kuridstanê ye û ji bo rizgarkirina hemû gelê Kurd e. Ji bo statûyekî siyasî û demokratîk a Kurdsitanê kar dike.”Berwarî rexne li PDK’ê kir û got; “Ketina PDK’ê li eniya Tirkiyê xizmeta doza Kurd nake, nakokiyên nava mala Kurd kurtir û mezintir dike. KNK amadekariyên konferanseke awarte ya neteweyî ya paşeroj û statûya Kurdistanê diyar bike, dike. Divê hemû hêzên siyasî û saziyên sivîl di bin sîwana KNK’ê de kom bibin. Pêwîste Nêçîrvan Barzanî û hikumeta Herêma Kurdistan jî roleke serekî û erênî di avakirina yekîtiya netewiyî de bibînin.”…ROJNEWS
Daxuyaniya Nêçîrvan zerarê de PDK’ê jî
