Navenda Nûçeyan-Qamişlo
Îro (21-02- 2022) seat 11`an, Desteya Perwerde û Fêrkirinê ya Herêma Cizîrê bi dirûşima”Bê zanist kesek pêş nakeve, êş û azar zêde dibin” li bajarê Qamişlo Peymangeha Amadekirina Mamosteyan vekir.
Di Roja Zimanê Dayîkê yê Cîhanî de û ji bo pêşxistina perwerdeya bi zimanê dayîkê, Desteya Perwerde û Fêrkirinê ya Herêma Cizîrê Peymangeha Amadekirina Mamosteyan li bajarê Qamişlo vekir. Vekirina Peymangehê derfetê dide 376 xwendekarên ku navê wan di zanîngehên bakûr û rojhilatê Sûriyê de nehatin tomarkirin. Peymangeh ji 9 beşan pêk tê û 50`ê mamoste ji beşên cûde tê de cihê xwe digrin.
Di merasîmê vekirinê de Nûnerên Desteya Perwerde û Fêrkirinê ya herêma Cizîrê, Desteya Çand û Hunerê ya Herêma Cizîrê, Kongra Civaka Îslama Demokratîk, mamoste, endamên rêveber ên Zanîngeha Rojava, Meclisa Malbatên Şehîdan, bi dehan endamên saziyên sivîl û xwendekarên peymangehê tev li merasîma vekirinê bûn.
Merasîmê bi bîranîna şehîdan dest pê kir, pişt re bi navê Rêveberiya Peymangehê Şîlan Mihemed vekirina peymangehê li gelên herêmê pîroz kir û diyar kir ku vekirina peymangehê di Roja Zimanê Dayîkê ya Cîhanê de gaveke erênî ye û got, em soz didin ku em zimanê xwe bilind bikin û bikin zimanekî ekadmîk û zanistî.
Şîlan dazanîn ku xwendekarên me avakerên paşrojê ne, em hêvîdar in di nava vê şoreşê de ji bo herêm û civaka xwe xebateke xurt bikin û bi pênûs û ramana xwe têbikoşin.”
Herwiha Hevserokê Desteya Perwerde û Fêrkirinê ya Herêma Cizîrê Mihemed Salih Ebdo jî axivî û bixêrhatina beşdaran kir û got: “Bi saya şehîdan Rêveberiya Xweser ewqas destekftî bi dest xistin. Bi vê boneyê em spasiya Meclisa Rêveber ya Cîbcîkar dikin ku roleke girîng di vekirina peymangehê de lîst. ”
Piştî bi dawî kirina axaftina çend helbest ji aliyê helbestvanê Kurd Ferhadê Mêrdê ve hatin xwendin.
Di dawiyê de kaseta vekirinê ji aliyê dayîka Şehîd Tolhildan ve hat birîn.
