Endamê Akademiya Aştiyê ya Cîhanî Lewend Mîrko diyar kir ku destûra ku di bin siya dagirkeriyê de, tê wateya serweriya dagirkeran li ser gelên Sûriyê. Divê gelên Sûriyê destûra xwe bi xwe deynin.
Girêdayî xebatên danîna destûreke nû ya Sûriyê endamê Akademiya Aştiyê ya Cîhanî helbestvan û rewşenbîr Lewend Mîrko destnîşan kir ku destûreke ku di vê demê de di bin siya dagirkeriyê de wê bibe serweriya dagirkeriyê.
Mîrko di berdewama axaftina xwe de wiha got: “Em behsa dagirkeriya dewleta tirk ya li Sûryê û binpêkirinên wê dikin. Dewleta Tirk dixwaze bi rêya nîqaşkirina destûra Sûriyê hebûna xwe ferz bike”
Mîrko wiha dewam kir: “Her destûrek bi rêya perlemana ku nûnertiya gelên herêmê dikin tê nîqaşkirin. Tevî vê jî divê hemû alî aloziya Sûriyê çareser bikin û destwerdanên derve di karûbarên Sûriyê de rawestînin û divê gelên Sûriyê destûra xwe bi xwe amade bikin.”
Navenda Akademiya Aştiyê ya Cîhanê li Filistînê li bajarê El-Celîl e û di bin dûrûşma belavkirina aştiyê û bidawîkirina şer de li tevahiya cîhanê dixebite…ANHA
Divê gelên Sûriyê destûra xwe amade bikin
