Şaredariya Gel a girêdayî Meclisa Sivîl a Dêrazorê ya herêma El-Kesrat tevî kêmderfetên xwe hewl dide xizmeta gel bike.
Ji destpêka ku Şaredariya Gel a El-Kesrat di 1`ê Gulana 2017`an de dest bi kar û xebatên xwe kir, hewl dide li gorî derfetên xwe xizmeta gel bike.
Di destpêkê de şaredariyê komîteyên şopandinê û rêxistinê ava kirin. Şaredarî ji komîteya zabiteyan a şopandina tevgera sûkan û buhayê madeyên xwarinê, beşa paqijyê û her wiha gelek beşên din ên xizmetê pêk tê.
Şaredariyê Çerxerêya El-Kesrat sererast kir. Rê û dikanên bazirganiyê boyax kirin da ku rengê herêmê xweşik bibe. Piştî ku çeteyên DAIŞ`ê herêm xistibû bin zilma xwe rêyên sereke û gelek cih xirab kiribûn.
Şaredariyê xendekên ku çeteyên DAIŞ`ê kolandibûn, girtin. Ji aliyekî din ve jî hemleya reşandina dermanên mêş û maran dest pê kir û dest bi jinûve aktîfkirina bîra El-Kesrat ji bo avdana parkan kir.
Hevserokê navçeya El-Kesrat Xeyas El-Ecîl derbarê projeyên wan ên pêşerojê de diyar kir ku ew dixwazin şitilgeh, stad û sûkeke pez vekin, her wiha hewl didin daran ji nû ve li parkan biçînin. El-Ecîl di axaftina xwe de bang li rêxistinan kir ku karê xwe li hemberî xizmeta civakê baş pêk bînin…ANHA
Şaredariya El-Ksrat xebatên xwe didomîne
