Şêniyên taxa El-Miseher a rojhilatê Tebqayê ji mehekê ve ji ber qutbûna avê bi gazin in.
Heta niha aliyên têkildar pirsgirêka qutbûna avê li ser taxa El-Miseher çareser nekirine, şêniyên taxê jî diyar kirin ku ew neçar dimînin avê bikirrin.
Welatiyê taxê yê bi navê Etiye El-Mihêmîd li ser pirsgirêka qutbûna avê axivî û wiha got: “Ji ber qutbûna avê em azaran dikişînin, bi mehane ava negihiştiye hin malbatan, ji ber wî jî em mecbûr dimînin ku avê bi buhayê 50-100 lîra her bermîlekê bikirin.”
Welatiyê bi navê Ayid El-Helûş Komîteya Avê ya Şaredariyê rexne kir û diyar kir ku ew erka xwe pêk naynin lewma welatiyên taxê bê av dimînin.
Berpirsên Komîteya Avê jî pirsgirêk bi xirabûna jeneratora avê ya sereke ya benda Firatê ve girê da û diyar kir ku zexta avê di boriyan avê de kêm e, lewma av nagihîje hemû malan.
Berpirsên komîteya avê da zanîn ku bêderfetiyên wan zêde ne û destnîşan kir ku heta niha alavên kolandinê ku yên herî girîng in, li gel wan tune ne.
Berpirsan her wiha anîn ziman ku pirsgirêk ne tenê dikeve ser milê wan, lê belê ji ber tunebûna koordîneyê bi rayedarên Bendava Firatê re, gelek ziyan ji ber ceyrana ne bi awayekî birêkûpêk digihîje wan, amûrên wan zirarê dibînin…ANHA
Şêniyên taxa El-Miseher ji qutbûna avê bi gazinc in
