Siyasetmedarê Kurd Dr. Fayiq Gulpî ya li ser daxuyaniya Nêçîrvan Barzanî a li dijî PKK’ê gotubû, ‘PKK beşeke xaka Herêma Kurdistanê dagirkiriye’ da û got,”Eger ne ji PKK’ê bûya wê Kerkûk, Şengal, Behdînan, Mexmûr tev ji dest çûba. PKK partiyeke Kurdistaniye û ji zarokên çar parçeyên Kurdistanê pêk tê. Divê Barzanî lêborînê ji gelê Kurd û PKK’ê bixwaze.”
Piştî ku Serokê Hikûmeta Herêma Kurdistanê di daxuyaniyeke çapemeniyê de bêyku qet behsa dagirkerî û êrîşên dewleta Tirk yên li Başûrê Kurdistanê bike, PKK’ê bi dagirkirina Başûrê Kurdistanê tawanbar kir şûn ve nerazîbûn zêde bûn. Hem siyasetmedarên Kurd hem jî gelê Kurd li dijî derdikevin û dibêjin, eger ne ji PKK’ê bûya wê Başûrê Kurdistanê ji aliyê DAIŞ’ê ve hatiba dagirkirin.
Gulpî der barê axaftina Barzanî de ku dibêje, ‘PKK beşek ji Herêma Kurdistanê dagirkiriye’ wiha got, “Ne mentiqiye ku hêzek Kurdistanî li Kurdistanê dagirker be. PKK partiyeke Kurdistaniye û zarokên ji 4 parçeyên Kurdistanê di navê de cih digirin.”
PKK’Ê BAŞÛR PARAST
Gulpî dema êrîşên DAIŞ’ê yên li ser herêmên Başûrê Kurdistanê jî bi bîr xist û wiha dewam, kir, “PKK ji bo çar parçeyên Kurdistanê dixebite. Eger ne ji PKK’ê bûya wê çeteyên DAIŞ’ê Hewlêr, Şengal, Mexmûr û heta Behdînanê jî ji destê Herêma Kurdistanê girtiba û dagirkiriban. Di dema şerê DAIŞ’ê de PKK sînorê Herêma Kurdistanê parast, di eniya herî pêş de cih girt û şehîd da. Hatina wan li ser daxwaza PDK û YNK’ê bû. Lê ya rastî eger ev hêz nexwestiba jî wê PKK bajar û bajarokên Herêma Kurdistanê biparasta.”
DIVÊ BARZANÎ LÊBORÎNÊ BIXWAZE
Siyasetmedarê Başûrê Kurdistanê Fayiq Gulpî daxwaza lêborînê ji Nêçîrvan Barzanî kir û axaftina xwe wiha bi dawî kir, “Ti fêdeyeke daxuyaniyên wiha yên Nêçîrvan Barzanî ji bo wî, PKK’ê û gelê Kurd nîne. Ev tenê dijminên gelê Kurd kêfxweş dike. Ev daxuyaniyên Barzanî dilê gelê Kurd êşand. Ji ber vê divê Barzanî lêborînê ji gelê Kurd û PKK’ê bixwaze.”
PKK nebûya wê Başûr ji dest biçûya
