Belgefilmeke bi navê ‘Rûniştin Baş Nîne’ li ser şervanên enternasyonalîst yên Rojava hatiye çêkirin, di têde li bersiva pirsa, çima du eniyên zehf ji hev dûr heta li dijî hev karîne di heman eniyeke li dijî DAIŞ’ê de cih bigirin, tê gerîn.
Belgefilma ‘Rûniştin Baş Nîne’ ya ji aliyê derhêner Zanyar Omranî ve li ser jiyana du aliyên çepgir û rastgir yên şervanên biyanî di nava YPG’ê û şoreşa Rojava de hatiye çêkirin. Di vir de behsa nakokî û bihevketinên du îdeolojiyên dijber ku weke rastngir û çepgir tê zanîn de dike ku herdu jî di şoreşa Rojava de cih digirin.
Derhêner di nava vê belgefilmê de leşkereke kevin yê Amerîkî û komeke şervanên çepgir yên Alman û Tirk hilbijartiye. Ev herdu alî di warê îdeolojîk de bi temamî ji hev cewazin û mil dane milê şervanên Kurd û Ereb ji bo serketina Şoreşa Rojava (Bakurê Sûriyê) şer dikin.
Jorden Matson Yek ji wan şervanên enternasyonalîste ku her ji destpêkê ve di medya civakî de kariye şoreşa rojava bi raya giştî ya cîhanê bide nasîn û gelek şervanên biyanî berê xwe bidin şoreşa Rojava.
Di belgefilmê de tê dîtin ku komek ji şervanên çepgir yên Tirk û Elman ne tenê ji bo şerê li dijî DAIŞ’ê li Rojavayê Kurdistanê ne. Sedemeke din a tevlîbûna wan a ji şoreşa rojava re ewe ku eniyeke çep li seranserê cîhan pêş bixin.
Axîn û Ernesto jî du şervanên çepgirin ku derhêner wan di dirêjiya belgefilmê de dest girtiye.
Pirsa sereke ya belgefilma ‘Rûniştin Baş Nîne’ ewe ku ev şervanane çima çûne Rojava. Vê pirsê ji van şervanan dike û ew bixwe bersiva xwe didin.
Belgefilm 50 deqîqeye û di du demên cûda (2015-2017) de hatiye kişandin. Di film de her şervanek bi zimanê xwe yê dayîkî axiviye.
Belgefilma ‘Rûniştin Baş Nîne’
