Ev demeke gelê Minbicê li hember polîtîka û êrîşên dagirker yên dewleta Tirk di nava liv û tevgerê de ye. Pêkhateyên Minbicê bi meş û çalakiyên nerazîbûnên xwe li dijî dagirkeriya dewleta Tirk nîşan didin. Duh di meşa ku li dijî dagirkeriya dewleta Tirk de ku pêk hat teqîn pêk hat û herî kêm kesekî jiyana xwe ji dest û 22 kes jî birîndar bûn.
Li Minbicê dema ku êrîş û gefên dagirkeriya Tirkiyê bi meşekê dihat protestokirin, teqînek pêk hat. Di teqînê de kesek mir û bi dehan kes jî birîndar bûn.
Li Taxa El Haya ya Minbicê şêniyên bajêr dema ku dewleta Tirk protesto dikirin, teqînek pêk hat.
Li gorî qeydên nexweşxaneyê herî kêm kesek mir û 22 kes jî birîndar bûne. Hin çavkanî diyar dikin ku 3 kes mirine û 40 kes birîndar bûne lê ev agahî nehate piştrastkirin.
Hê kesî ev teqîn li xwe negirtiye lê ji ber ku di dema protestokirina dewleta Tirk de ev teqîn pêk hatiye, hin şik û guman derdikevin holê.
