Hêzên YPG/YPJ’ê li Efrînê derbên giran li eşker û çeteyên dewleta Tirk a dagirker didin. Di çalakiyên vê dawiyê de 4 leşker û 5 çeteyên Tirk hatin kuştin.
Navenda Ragihandinê ya YPG’ê bi daxuyaniyeke nivîskî ragihand ku di çarçoveya qonaxa duyemîn a Berxwedana Efrînê de, dawiya meha Hezîranê û destpêka meha Tîrmehê li dijî artêşa Tirk a dagirker û komên wê yên çete çalakî hatine kirin.
Li gorî daxuyaniyê, 30’ê Hezîranê li ser rêya navbera Efrîn û Mabetayê li pêş çeteyên Feylaq Şam kemîn hatiye danîn û di çalakiyê de leşkerekî Tirk hatiye kuştin, gelek çete jî birîndar bûne.
Navendê diyar kir ku hêzên wan roja 1’ê Tîrmehê li baregeheke çeteyên Feylaq Şam dane û di vê çalakiyê de ku li herêma navbear gundên Meryemîn û Malikiyê yên Şerayê hate kirin, 4 çete hatin kuştin, 3 çete jî birîndar bûn.
Di daxuyaniyê de hate ragihandin, 2’ê Tîrmehê li taxa Mehmûdiyê ya Efrînê li dijî leşkerên Tirk çalakiya sabotajê hate kirin û 3 leşker hatin kuştin, 2 leşker jî birîndar bûn.
Di dewama daxuyaniyê de hate gotin, 2’ê Tîrmehê li ser rêya Efrîn û Racoyê bi sûîqestê çeteyekî koma Firqet Hemze hatiye kuştin.
Navenda Ragihandinê ya YPG’ê diyar kir, 3’ê Tîrmehê jî piştî şopandineke demdirêj hêzên wan li bargeheke çeteyên Ehrar Şerqiye xistne, lê hejmara çeteyên hatine kuştin û birîndar bûne nehatiye zelalkirin.
HEJMARA DAGIRKERÊN
HATIN KUŞTIN BÛ 2502 KES
Li gorî daxuyaniya navendê, ji destpêka êrîşên dagirkeriyê û vir ve 2502 leşker û çeteyên dewleta Tirk li Efrînê hatine kuştin.
4 leşker û 5 çete hatin kuştin
