Senatorê DYA’yî û endamê Komîsyona Xizmetên Çekdar Lîndsey Graham li Bexdayê daxuyanî da û derbarê zêdekirina êrîşên dagirkeriya Tirk ya li ser Rojava de hişyarî da û got, “Di rewşeke wiha de wê Tirkiye bikeve nava çiravekê.” Her wiha Grahan li dij derket ku dagirkeriya Tirk a li Efrîn, Bab û derdora wê bê kûrkirin.
Senatorê DYA’yî li ser hewldanên Tirkiyê yên ji bo girankirina êrîşên dagirkeriyê yên li Rojava hişyarî da û got, “Di rewşeke wiha de wê Tirkiye bikeve nava çiravekê.”
Senatorê DYA’yî û endamê Komîsyona Xizmetên Çekdar Lîndsey Graham, piştî hevdîtina bi Serokkomarê Tirk Tayyîp Erdogan, li Bexdayê daxuyanî da. Graham li ser niyeta Tirkiyê ya ji bo zêdekirina êrîşên xwe yên dagirkeriyê hişyarî da.
Grahan li dij derket ku dagirkeriya Tirk a li Efrîn, Bab û derdora wê bê kûrkirin û got, “Di rewşeke wiha de hûnê bikevin nava çiravekê.”
Graham da xuyakirin ku divê Tirkiye piştgiriyê bide hebûna leşkerên Emerîkî yên li Sûriyê û destnîşan kir ku hebûna van leşkeran tiştekî baş e.
Graham diyar kir ku wî gotinên xwe yên li ser hebûna leşkerên DYE’yî ji Serokkomarê Tirk re jî gotiye. Graham ji bo YPG’ê ya ku beriya niha ji xwe ragihandibû ku ji Minbicê derketiye got, mayina wan li rojhilatê Firatê têrê dike.
