Xebatên pêşxistina projeyên aborî û debara jiyana welatiyan li rojavayê Kurdistanê berdewam dike. Ji bo welatiya li gor derfetan projeyên xebat û her wiha pêşwazîkirina pêdiviyên jiyanî yên rojane tên pêşxistin. Li Girkê Legê firineke nan ya ku wê rojê 12 ton nan derxîne tê amade kirin. Dest bi projeya çêkirina firinê hatiye kirin.
Meclisa Malbatên Şehîdan a navçeya Girkê Legê bi hevkariya Yekitiya Kooperatîfan a kantona Cizîrê projeya “Firina Malbatên Şehîdan” bi lêçûneke 40 milyon lîrayên Sûriyê û bi rojane 12 ton nan wê derxîne.
Meclisa Malbatên Şehîdan a Girkê Legê bi hevkariya Yekitiya Kooperatîfan a Kantona Cizîrê projeya avakirina firineke otomatîk pêk tîne û tê payîn proje di demeke nêzîk de bi dawî bibe. Proje bi beşdarbûna 270 kesan pêk tê.
Projeya Firina Malbatên Şehîdan kooperatîfeke taybet a malbatên şehîdan ên navçeya Girkê Legê ye. Piştî ku lêkolînkirina projeyê ji aliyê Yekitiya Kooperatîfan ve hate bidawîkirin, kooperatîfê navên beşdaran qeyd kirin û hejmara wan gihaşt 270 kesan. Rêjeya malbatên şehîdan di kooperatîfê de bi qasî ji sedî 80 ye û ji sedî 20 jî ji welatiyên din re ye.
Niha proje tê payîn di demeke nêz de bi dawî bibe. Li gorî rêveberan Firinê lêçûna projeyê 40 milyon lîrayên Sûriyê ye û tê payîn ku rojane 12 ton nan derxe.
Armanca kooperatîfê xurtkirina aboriya xweser a malbatên şehîdan û peydakirina nan ji herêmê re ye
Rêveberên projeyê diyar kirin ku armanca sereke ya projeya kooperatîfa firina malbatên şehîdan ew e ku aboriya xweser a malbatên şehîdan xurt bike û nan ji herêmê re peyda bike.
Girêdayî mijarê endamê rêveberiya projeyê Celhûd Mirhî diyar kir ku pêdiviya navçeya Girkê Legê bi firineke mezin heye da ku welatiyên herêmê karibin bi hêsanî nan peyda bikin…ANHA
