Idrîs Henan
Rêber APO dibêje, tu çiqas rast dibî bibe, dema di rêbaz de tu şaş bî, tu şaş î. Bi gotineke din; dema bingehê avakirina mentiqê mirov şaş be wê rêbaz jî şaş be. Di heman demê de pêwîst dike ku mirov di aliyê zanist, felsefe, ol, efsane û zanyariyên xwe de xwediy hêza afrîner ya reformê be ku manitqê xwe sererast bike. Ev xisûsa yek ji taybetî û nîşanên fikrên pêşeng yên rêveberiyê ne. Lewra rêveberî di cewherê xwe de fikir, nêrîn û stratejî ye. Eger ev hêman di kesayet yan rêxistinekê de kom bibin, şiklê jiyanê jî pê re diyar dibe. Ango; çiqas fikir rast be, jiyan ewqas rast dibe û ewleyiya mirov û civakê dikeve gerantiyê.
Çawa ku rêvebertî xwediya xisûseke wisa ya hişmendiyê ye. Di heman demê de xwediya taybetiya demokrasî û azadiyê ye. Jixwe demokrasî û azadî bi rêvebertiya rast pêkan dibin. Ewleyiya kes û civakê têkûz dibin û şiklê çelûxwar yê di binê banê dewletê de hatî werimandin, di forma kirîz, kaos, anarşî û terorê de xwe dide der û tê zeftkirin. Ewleyiya civakî bi yekîneyên ewleyiyê û vesaziyên zagonî tekûz nabe. Berûvajî; sedemên bêewleyiya civakî ne. Ancax ewleyî di şertên exlaq-polîtîk yên civakên demokratîk de pêkan bin. Bi gotineke din; ewleyî bi rêvebertiya rast dihizire ya xwediya mantiqeke ideolojîk yê jiyana azad, pêkan dibe.
Bi rêvebertiya rast koletî diqede û azadî bi ser dikeve. Li hemberî paşverûtiyê jiyana azad dibe xwedîvîn. Ancax ev li Kurdistanê bi tevgera rast ya Apoyî jiyanî dibe. Rêvebertiya bi dualîteya Rêber APO-PKK tê xuliqandin, rûyê dîrokê û hebûna gelekî li ser keviyên tinebûnê, tê parastin. Pêşî li zordarî, qirkirin û faşîzmê tê girtin û deriyên demokrasî, azadî û ewleyiya neteweyî bi rêvebertiya rast tên vekirin.
Ji bo têkbirina vê hêza ewlekariyê ya civaka Kurdistanê, hêzên mêtinger-qirker bênavber bi rengekî hovane êrişî rêvebertiya Rêber APO-PKK kirin. Li dijî wê dualîteya serkeftinê hemû cureyên zordarî, faşîzm û dijminatiyê dan meşandin. Lê ji ber ku xwediya xisûsa veguherîner e, êrişên qirker yên 43 salan tev têk çûn. Berovajî; destketiyên mezin yên dîrokî hatin bidesxistin.
Çiqas rêxistinbûyîn mezin dibû, asta êrişan mezintir û hovanetir dibû. Li kû rêxistinbûna civakê misoger bûya, ewleyiya wê jî diket garantiyê. Di heman demê de civak û kesayet dibûn qadeke azad ya serketina rêvebertiyê û daneheveke destkeftiyan. Ji ber wê bi demê re; êriş jî asta hundir derbas dikin û di demek kurt de global dibin. Lê dîsa jî nikarin rê li ber destkeftiyên rêvebertiyê bigirin ku li beramberî wê jî rêvebertiya Rêber APO-PKK gerdûnîtir dibe û serketinên cîhanî yên li derveyî sînorên Kurdistanê û Rojhilata Navîn diafirîne.
Armanca wan têkbirina rastiya fikir, nêrîn û stratejiya bi Rêber APO-PKK derketiye re ye. Ango jiholêrakirina rastiya têkoşîna azadiya Kurdan û bêbandorkirina wan e. Ji ber wê berî her tiştî pergala tecrîda li Îmraliyê şidandin û li ser ciwan û jinan êrişên giran pêk anîn. Lê Îmralî bi berxwedana xwe veguherî qadek dîrokî ku xeta rêvebertiya rast tekûztir kir. Di heman demê de rastiyeke nû derxist holê; gelê ku şoreşa yekê ya civakbûnê li dar xistiye, îro bi rêvebertiya Rêber APO-PKK şoreşa duduyan ya Modernîteya Demokratîk pêk tîne. Êdî gelê Kurd bi rêvebertiya xwe re bûye xwedînasnameya pêşeng ya demokrasî û azadiyê.
