Konseya Ewlekariyê ya Neteweyên Yekbûyî (KENY) ku xwe li ber dagirkirina Efrînê kerr kiriye, wê îro li ser şerê li başûrê rojava yê Sûriyê bi rengekî lezgîn bicive.
Civîna lezgîn bi daxwaza endamên demkî yên KENY Swêd û Kûweytê pêk tê. Hate ragihandin ku di civînê de wê operasyonên rejîmê yên li wîlayeta Deraayê bên nirxandin.
Operasyona rejîma Sûriyê ku bi desteka Rûsyayê dest pê kir, du hefte li pey xwe hişt. Tê gotin ku ji ber operasyonê nêzî 300 hezar sivîl ji cih û warê xwe bûne.
Hate ragihandin ku Urdunê destûr nedaye ku sivîlên reviyan e xwe li wan bigire û bi hezaran sivîlan berê xwe dane Girên Golanê ku di kontrola Îsraîlê de ne.
KENY ji bo başûrê rojava yê Sûriyê dicive
