TEV-DEM’ê li ser pêşketinên siyasî bi taybet rewşa Efrînê ji şêniyên taxa Şêxmqsûd re civînek lidarxist.
Civîn li hola Şêxmeqsûd a herêma El-Şiqeyf a Helebê bi beşdarbûna bi sedan şêniyên taxê hat li darxistin. Hola civînê bi pankartên têkoşeran hatibû xemilandin.
Piştî rêzgirtinê, geşedanên dawî ji aliyê rêveberên TEV-DEM’ê yên bajarê Helebê Medya Mihemed û Mihemed Şêxo ve hate şîrovekirin.
Di nirxandinan de, bal hat kişandin li ser komployên li diji pêkhateyên Sûriyê û binpêkirinên dagirkeriya Tirkiyê û çeteyên wê yên li ser kantona Efrînê, hate gotin ku Tirkiyê bi armanca qirkirinê Efrîn dagir kiriye.
Her wiha hat gotin ku bi berxwedaniya gelan û girêdana wan a bi ax û nasnameya xwe ve wê armancên komplogeran neghêjin serî.
Civîn bi nîqaşên beşdaran derbarê pêvajoyê de û rexneyên wan û bi bersîva pirsan bi dawî bû. Şêniyan tekez kirin ku ew ê piştgiriya xwe ya ji bo Efrînê berdewam bikin û gotin ku ew ê li hember hemû êrîşên li ser herêmên Bakurê Sûriyê bisekinin…ANHA
