Çalakiya mertalên zindî ya ciwanên Başûrê Kurdistanê ya li Qendîlê berdewam dike û piştgiriya bi çalakiyê re mezin dibe. Komek ji ciwanên Şengalê serdana çalakvanan kirin. Ciwanên Şengalê diyar kirin ku ew Qendîlê weke cihê hêviyê dibînin û bang li ciwanên Êzidî kirin ku berê xwe bidin Qendîlê.
Ciwanên Şengalê yên ku serdana çalakiya mertalên zindî kirîn, diyarkirin ku ew Qendîlê ji bo xwe weke hêviyekê dibînin. Ciwanan bang li hemû ciwanên Êzidî kirin ku berê xwe bidin keleha berxwedanê Qendîlê.
Çalakiya mertalên zindî ya ciwanên Başûrê Kurdistanê berdewam dike. Serdan û piştgiriyên ji bo çalakiyê jî berdewam dikin. Her roja diçe piştgiriya ji bo çalakiya mertalên zindî zêde dibe. Çalakî di roja xwe ya 24’an de didome. Vê carê ciwanên Şengalê serdana çalakvanan kirin. Ciwanên ji Şengalê hatin diyarkirin ku sedema hatina wan ya Qendîlê ewe ku ew Qendîlê ji bo xwe weke hêviyekê dibînine.
Di destpêkê de li ser navê çalakvanên mertalên zindî Sîrwan Raperîn axivî û û da zanîn ku yên rastî komkujiya Osmaniyan û çeteyên Tirk hatin niha li virin û wiha dewam kir; “Em sedemê hatina wan baş fêhm dikin. Gelê Şengal û Êzidî di komkujiyên dewleta Tirk û çeteyên wê re derbaz bûne.”
Li ser navê Komeleya Ciwanên Êzidî Garzan Azer axivî û balkişand ser komkujiya 3’ê Tebaxa 2014’an. Garzan got; “Di dema komkujiya 3’ê Tebaxê de bi sedan gerîla berê xwe dan Şengalê. Ji bo vê ev erkek pîroze li ser me ku em li Qendîlê ne. Qendîl ji bo me pîroze. Divê li derdora van çiyayên pîroz, ciwanên her çar parçeyên Kurdistanê û Êzidî bi rihê fedayî yê Şehîd Zîlan re bibin yek û bi vî rihê berxwedanê yekitiya xwe ava bikin. Emê bi rihê serkeftina Kobanê û Şengalê, Efrîn û axa Kurdistanê li hemberî dagirkeran bi parêzin.”
QENDÎL KELA BERXWEDANÊ YE
Garzan di dawiyê de bang li ciwanên Êzidî kir û got; “Bi taybet ciwanên di nava wargehan de, bila berê xwe bidin cihê hêviyê Qendîlê û serî li hemberî dagirkeriyê rakin.”…ROJNEWS
