Komîteya Perwerdeya Civaka Demokratîk ji bo asta mamosteyan pêş bikeve dest bi perwedekirina mamosteyan kir.
Komîteya Perwerdeya Civaka Demokratîk a herêma Firatê xebatên perwedekirina mamosteyên seratayî, navîn û amedehî da destpêkirin. Perwedekirina mamosteyan piştî sala xwendinê ya 2017-2018’an bi dawî bû da destpêkirin. Di perwedeya ku di peymangehan de tê kirin, mamoste li ser rêbazên fêrkirinê têne perwerdekirin.
Xebatên perwedeyê duh dest pê kir û wê 70 rojan dewam bike. Di perwedeyê de wê herî zêde li ser rêbaza mamosteyan were sekinandin.
Çar hezar û 676 mamosteyên ji herêma Firatê têne perwerdekirin, ji wan 2 hezar û 616 mamoste ji Kobanê ne û 600 ji bajaroka Eyn Îsa ne. Li Eyn Îsa 25 mamoste li ser xebatên perwedekirina mamosteyan disekinin.
Sedema vekirina dewreya mamosteyan ew e ku sîstem û materyalên nû ji mamosteyan re werin zelal kirin. Di perwerdeya mamosteyên seretayî de wê biyolojî, bîrkarî,ziman û pedegojî û mamosteyên beşê navîn wê matryalên, ziman û pedegojî werin dayîn.
Armanc ji perwerdeya mamosteyan, perwerde kirina li ser materyalên nû û rê û rêbazê perwerde dayînê ye.
Di perwerdeya mamosteyên beşa seretayî de wêneyên ziman, biyolojî, pedegojî û bîrkarî, her wiha di perwerdeya mamosteyên beşa navîn de jî dê materyalên, ziman û pedegojî werin dayîn.
Endamê Kordînasyona KPC-D’ ê Ridwan Deharo derbarê perwerdeyan de got; “Îsal em ê di perwerdeyê de herî zêde girîngiyê bidin rê û rêbazê mamosteyan. Her wiha em ê giraniyê bidin çand û exlaq, bi vê yekê jî em karibin pirsgirêkan çareser bikin ji ber ku çand û exlaq bingeha civaka me ye”
Her wiha mamosteya bi navê Îlham Mihemed beşê Kimya ku tevlî perwerdeyê bûye got, “em ji bo perwerdê amade ne, ji ber ku mamost bingehê civakê yê herî serekeye û mamoste nifşên nû ava dike.”…ANHA
Mamosteyên herêma Firatê têne perwerdekirin
