Hevserokê Meclîsa Sûriya Demokratîk (Buroya Helebê) Merei Şiblî anî ziman ku divê destûra Sûriyê mafê hemû pêkhateyên Sûriyê bê ku cûdahî têxe navberê wan, bide.
Hevserokê MSD`ê yê buroya Helebê Merei Şiblî pêvajoya ku Sûriye tê re derbas dibe û nîqaşên guhertina destûrê Sûriyê nirxand.
Şiblî destpêka axaftina xwe de bal kişand li ser aloziya Sûriyê û wiha got:˝Aloziya Sûriyê ku 8 salan berdewam dike û ji ber nehat çareser kirin gelê me yê Sûrî bi hemû pêkhateyên xwe bi milyonan neçarî koçberiyê bûn û gelek kes di avê de xeniqîn û mirin˝.
Mereî çareserkirina aloziya Sûriyê û guhertin destûrê Sûriyê wiha nirxand: ˝Cinêv û Astana yên di bin navê çareserkirina aloziya Sûriyê de dihatin lidarxistin, negihîştin tu encamê û tiştek nedan gelê Sûriyê. Em gelên Sûriyê pêdiviya me bi destûrekî ku me hemûyan li welatekî kom bike û maf û azadiya me misoger bike heye. Niha Sûriye ji bo dewletên derve bûye lîstgeh û di encama kêmasiyên me de me xwîn rijand lê belê hîna hêza me heye ku em civaka xwe rakin ser lingan. Divê danûstandin bi hemû aliyan ve were kirin û nema destûr ji hêzên derve re were dayîn ku destwerdana Sûriyê bikin˝.
Şiblî di dawiya gotinên xwe de wiha got: ˝Em weke gelên Sûriyê dozger û parêzerên me hene dikarin destûrê biguherînin û em destewerdana derve naxwazin. Daxwa û hêviyên gelên Sûriyê ji destûra nû heye˝…ANHA
Divê destûra Sûriyê li gor daxwazên gel be
