Piştî ku Rûsya û komên çekdar ên li başûrê Sûriyê danûstandin kirin, li Deraayê bêdengî serwer e. Li Deraayê di rojên dawîn de bi sedan welatiyên sivîl ji ber bombebarana hêzên rêjîmê jiyana xwe ji dest dan.Navenda Çavdêriya Mafên Mirovan a Sûriyê li ser navê çavkaniyên pêbawer ku navbênkariyê di navbera hêzên Rûsya û nûnerên parêzgeha Deraayê de dikin, ragihand ku danûstandin tevî hemû astengiyan, derbarê çarenûsa bajarokên li gundewarên rojhilatê Deraayê de hê jî nehatine rawestandin, di heman demê de danûstandin der barê giştî parêzgeha Deraayê de tên domandin ku peydakirina çareseriyeke aştiyane ya di navbera her du aliyan de armanc dike.Di dema çalakiyên danûstandinê de li ser daxwaza Rûsyayê bêdengiyek li giştî parêzgeha Deraayê serwer e. Nemaze piştî êrîşeke dijwar a bi fûze û topavêj û êrîşên ezmanî yên hêzên rêjîmê û hêzên alîgiriya wê dikin li dijî bajarê Deraa û gundewarên wê ku di encamê de komkujiyek li dijî welatiyên sivîl pêk hat û tê de herî kêm 10 welatiyên sivîl bûn qurbanî û bêtirî nîvê wan zarok bûn û gelek kesên din jî birîndar bûn.Toreya SkyNews xwe spart çavkaniyên tenduristî yên li Deraayê û diyar kir ku di encama êrîşa ezmanî û fûzeyan a rêjîmê û hêzên Rûsyayê li dijî Deraa de 60 welatiyên sivîl di van 24 saetên dawîn de jiyana xwe ji dest daye.
Hêzên rêjîmê di 19’ê Hezîranê de çalakiyeke leşkerî li dijî komên çekdar ên li parêzgeha Deraayê da destpêkirin û piştî danûstandinên di navbera Rûsya û komên çekdar de karibû gelek bajarokên parêzgeha Deraa bi dest xwe ve bîne.Hin raporan diyar kir ku şêwirên di navbera Rûsya, Îran, Amerîka û Îsraîlê de pêk tên û di encamê de hêzên Îranê ji sînorên bi Îsraîlê re dûr ketin û hêzên rêjîmê derbasî şûna wan bûn.
Li Deraayê bêdengî serwer e
