Jinên Dersimî, diyar kirin ku ew di JIN TV’yê de ne weşangeriyeke ku bindestiya hevcinsên wan vedibêje, ew weşaneke ku serketina hevcinsên wan vedibêje dixwazin. Piştî televîzyona jinan JIN TV dest bi weşana xwe kir, heyecanek li jinên dersimî peyda bû. Jinan anî ziman ku ew bawer dikin dê JIN TV tenê ne li Tirkiyê li tevahiya cîhanê bibe dengê jinan. Seda Bûl ku li bajêr esnaf e, diyar kir ku ji ber ku JIN TV bûye dengê jinan wê ev yek bandoreke mezin bide der. Bûl got: “Ji bo ragihandina dengê me jinan, tiştekî girîng e. Loma ji bo me pir taybet e. Divê em jin nûçeyên jinan pêşî ji JIN TV’yê re bişînin. Bi ya min dê tekane kanal be ku jin bi awayekî rihet xwe bînin ziman.” Xebatkara kafeyê Nazlican Gul, anî ziman ku bi vekirina JIN TV’yê heyeceneke mezin li wan peyda bûye û ji bo dengê jinan bilintir bibe tiştekî girîng e. Gul, destnîşan kir ku ew dixwazin di ekranên JIN TV’yê de belgefîlmên derbarê jinan, bernameyên derbarê jinên ku pêşengya civakê dikin bên çêkirin. Gul got: “Bi ya min dê JIN TV dengekî mezin bide.”
Xwendekar Zîlan Gulayatay, diyar kir ku di serdemeke ku jin tên qetilkirin û li ser jinan çewisandin zêde hene de vekirina JIN TV’yê watedar e û got: “Ji bo kesên ku jinan tune dihesibînin bersiveke baş e.” Fatîma Guneş jî, diyar kir ku ji ber JIN TV vebûye ew kêfxweş e û her wiha ji ber ku kanal pirzimaniyê, pirçandiyê esas digire ew bêtir kêfxwe bûye. Guneş got: “Dê jin bi rihetî xwe bînin ziman. Dixwazim weşangeriyeke li gorî rolên zayenda civakiyî bike. Wisa bawer dikim ku dê tesîreke erênî bide der.”
JIN TV heyecaneke mezin ava kir
