Rêxistina Kongreya Star a navçeya Şêran a Kantona Kobanê navenda xwe bi merasîmekê vekir.
Rêxistina Kongreya Star a navçeya Şêran a Kanotna Kobanê bi merasîmekê navenda xwe li navçeyê vekir. Bi sedan şêniyên navçeyê û endam û rêveberên Kongereya Star di merasîma vekirinê de amade bûn.
Piştî deqeyek rêzgirtin li ser giyanên şehîdan, axaftin ji aliyê endamê û rêveberên Kongra Star ve hatin kirin. Her wiha di merasîma vekirina navendê de axaftin hatin kirin.
Kesên axivîne vekirina navenda Kongreya Star li Rêberê Gelê Kurd Abdullah Ocalan û cangoriyên azadiyê pîroz kirin.
Di axaftinan de armanca vekirina navendê hate destnîşankirin û hat gotin ku cihê rêxistinkirina jinan û çareserkirina pirsgirêkên wan e.
Jinên ku axivîn ji jinên navçeyê xwestin ku bi berpirsyariya xwe ya li hemberî navendê rabin û bibin şopdarên xeta şehîd Zîlan.
Deriyê navendê bi destê dayikên şehîdan ên Şêranê hat vekirin.
Her wiha şano ji aliyê navenda çand û hûnera navçeya Şêranê ve bi navê “desthilatdariya li ser jinê” hate pêşkêş kirin.
Merasîma vekirinê bi gerandina xelekên dîlanê bi dawî bû…ANHA
Navenda Kongra Star li navçeya Şêranê hat vekirin
