Endama Rêveberiya Yekîtiya Jina Azad a Kantona Şehbayê Rîhab Çepo rewşa dawî ya li Şehbayê nirxand û got: “Jinên ku li Şehbayê berxwedana xwe didomînin li ser esasên fikir û ramanên Rêber Apo xwe bi rêxistin dikin û dev ji têkoşîna xwe bernadin. Li Şehbayê hêviyên jinan qet winda nabe û sûdê ji têkoşîna bêhempa digirin.”
Endama Rêveberiya Yekîtiya Jina Azad a Kantona Şehbayê Rîhab Çepo rewşa dawî ya li Şehbayê nirxand û got: “Piştî ku Şehba ji çeteyên DAÎŞ’ê paqij bû li vir bi pergalek wekhev û alîkar jinan xwe birêxistin kirin. Niha ev rêxistin û alîkarî didome.
Rîhab Çepo wiha dewam kir: “Di nav polîtîkayên qirkirinê de herî bêtir jin û zarok diçewisin. Li Şehbayê jin û zarok tên parastin. Di serdema DAÎŞ’ê de jinan li Şehbayê gelek êş dikişandin. Piştî Şehba ji çeteyên DAÎŞ’ê hat rizgarkirin komîteya jinê hat avakirin û jin hatin perwerdekirin. Niha ev perwerde didome. Ji bo jin bi êrîş û zilmê rû bi rû nemînin perwerdeya xwe dewam dikin.”
Rîhabê da zanîn ku jinên Ereb jî hêza xwe ji jinên Kurd digirin û got: “Li Şehbayê ji ber ku jiyanek wekhev heye loma jin ji hev nayên cudakirin. Jinên Ereb jî ji bo xwe bikaribin biparêzin hatin perwedekirin. Niha hemû jinên Şehbayê dest didin hev û têdikoşin.”
Endama Rêveberiya Yekîtiya Jina Azad a Kantona Şehbayê Rîhab Çepo wiha dawî li axaftina xwe anî: “Jin ji bo bi êrîşên wekî din rû bi rû nemînin niha xebatên xwe didomînin û dibêjin em nahêlin êdî tu kes zilmê li me bike. Niha jî bi awayekî rêxistinkirî xebatên jinan didome. Em bang dikin ku hemû jin beşdarî xebatan bibin û destûrê nedin ku êdî bên çewisandin.”…JINNEWS
Li Şehbayê têkoşîna jinan xurt e
