Civaka Îslamî ya Kurdistanê, Şêx Seîd di salvegera darvekirina wî de bi bîr anî.
Di peyamê de hate gotin, “Di şexsê Şêx Seîd de ku rêberê olî û milî yê gelê me ye, em hemû şehîdên Kurdistanê bi bîr tînin û careke din dibêjin ku wê têkoşîna wan teqez bi ser bikeve.”
Civaka Îslamî ya Kurdistanê destnîşan kir ku di mijara dîn de xeta wan Şêx Seîd e û wiha dewam kir: “Em careke din wan kes û hêzan şermezar dikin ku navê wî bi kar tînin û bi vî rengî kiryarên xwe vedişêrin û dînê me diherimînin.”
Di dewama daxuyaniyê de hate gotin, “Tevî zor, zehmetî, mêtingerî û zilmê jî ev têkoşîn wê bi ser bikeve” û zalim têk biçin.
Civaka Îslamî ya Kurdistanê herî dawî got, “Bila ruhê Şêx Seîd, hevalên wî û hemû şehîdên Kurdistanê şa be.”
Xeta me ya Şêx Seîd e
