Hiqûqnasên kantona Girê Spî diyar kirin ku siyaseta Tirkiyê li hemberî Bakurê Sûriyê siyaseteke “dagirkeriyê” ye û hewl dide fitne û tevliheviyên mezhebî û etnîkî di nava pêkhateyên herêmê de derxîne. Hiqûqnasan piştrast kirin ku Tirkiye bi dagirkeriya xwe di axa Sûriyê de hemû pîvan û qanûnên navnetewî binpê dike.
Hiqûqnasên kantona Girê Spî ya herêma Firatê derbarê siyasetên Tirkiyê yên li herêmê nirxandin kirin.
Endamê Komîteya Lêpirsîn û Gilîkarî ya Dadgeha Gel Muslim Mihemed diyar kir ku armanc siyaseta Tirkiyê li Bakurê Sûriyê “dagirkerî” ye û bajarê Efrînê jî nîşana vê yekê ye. Mihemed got, “Tirkiye hewl dide Minbicê jî dagir bike û Tirkiye hewl dide fitne û tevliheviyên mezhebî û etnîkî di nava pêkhateyên herêmê de derxîne.
Girêdayî gefên dawî yên Tirkiyê li dijî Minbicê Mihemed got: “bajarê Minbicê mînaka biratî û jiyana hevbeş e. Welatiyên Minbicê bi xwe karûbarên xwe yên sivîl û leşkerî didin meşandin. Destwerdana Tirkiyê di karûbarên Sûriyê de qanûn û pîvanên navnetewî binpê dike û rêzdariyê ji sînorên dewletên cîran re nagire. Biratiya gelan û jiyana hevbeş li Minbicê ne li gorî berjewendiyên Tirkiyê ye. “
GEFÊN AMADEKARIYA DAGIRKIRINÊ YE
Dadger û Endamê Desteya Edaleta Civakî Mihemed Îsmaîl jî girêdayî heman mijarê axivî û diyar kir ku gefên Tirkiyê û siyasetên wê li hherêmê amadekariya dagirkeriyeke nû li herêmê ye û got: “Ala Tirkiyê ku li ser axa Sûriyê hatiye bilindkirin nîşana siyaseta dagirkeriyê ye û cîhan li hember vê dagirkeriyê bêdeng e.”
Îsmaîl got: “Divê em weke gelê Sûriyê hevgirtina xwe xurt bikin û ji bo derxistina dagirkeriyê tê bikoşin.”
Dadgerê Dadgeha Gel a Girê Spî Casim Îsmaîl jî diyar kir ku Erdogan qanûn û pîvnanên navnetewî binpê dike û ji bo dagirkirina axa Sûriyê çeteyan bikartîne.
Îsmaîl wiha got: “Tirkiye hewl dide aramî û ewlehiya li herêmê têk bibe. Em weke pêkhateyên herêm ti carî dagirkeriyê qebûl nakin.”…ANHA
Tirkiye li bakurê Sûriyê dagirker e
