Navenda Têkiliyên Doplomasî ya TEV-DEM’ê diyar kir ku di navbera wan û rêjîma Sûriyê de ti danûstendin çê nebûne. TEV-DEM’ê got, “Danûstandinên bi armanca çareserî, aramî û ewleahiya Sûriyê bi her aliyekî Sûriyeyî re ne şaş e. Lê heta niha bi rêjîmê re hevdîtinên me pêk nehatine.”
Navenda Têkiliyên Doplomasî ya TEV-DEM’ê got, “Îdîayên danûstandinên me bi rêjîma Sûriyê ne rast in. Danûstandinên bi armanca ewlehiya Sûriyê bi aliyên Sûrî re tiştekî ne şaş e. Lê em tekez dikin ku heta niha tu diyalogên fermî çênebûne.
Navenda Têkiliyên Doplomasî ya Tevgera Civaka Demokratîk TEV-DEM’ê têkildarî îdîayên dibêjin di navbera wan û rêjîma Sûriyê de danûstandinên têne kirin daxuyanî da û destnîşan kir ku ev îdîa ji rastiya xwe dûr in.
Di daxuyaniyê de wiha hate gotin:
“Îdîayên ku belav bûne û dibêjin di navbera me û hikûmeta Şamê de diyalog têne kirin rastiya xwe nîne, heya niha ti diyalogên çênebûne. Siyaset û projeyên me yên çareserkirinê û diyalogan û pêkanîna projeya demokratîk diyar û eşkere ne. Heger ku têkilyên me bi ti aliyan re hebe wê gelê me pê zanibe.”
Gelê me ji bo xizmeta çareseriya niştimanî ya Sûriyê amade ye, diyalog bi ti aliyan re red nekiriye, lê dema ku durist û ciddî bin. Xebatên ji bo çareserî û aramiyê yên bi hemû aliyên Sûriyê re tiştekî ne şaş e û danûstandin xeteke rast e. Ya ku niha em diyar bikin ew e ku heya niha tu diyalogên fermî bi ti kesî re pêk nehatiye.”
