Endama Meclîsa Jinê ya Minbicê Hena Şerîf da zanîn ku niha li Minbicê jiyanek demokratîk heye û gel bajarê xwe bi rêve dibe. Hena wiha got, “Niha rewşek aram û wekhev bi têkoşîna QSD’ê hat avakirin lewma pêdivî bi Tirkiyê tuneye. Dewleta Tirk dixwaze aramiya li Minbicê têk bibe. Em dewleta tirk li ser axa Minbicê naxwazin.”
Hena Şerîf derbarê hevdîtinên Amerîka û Tirkiyê yên li ser Minbicê diyar kir ku ew naxwazin Tirkiye têkeve Minbicê û got: “Em dikarin xwe bi rê ve bibin. Hewcedarî bi pergala desthildatdarî û dagirkirinê tuneye.”
Endama Meclîsa Jinê ya Minbicê Hena Şerîf derbarê hevdîtinên Amerîkayê û Tirkiyê yên li Minbicê da zanîn ku niha li Minbicê jiyanek demokratîk heye û gel bajarê xwe bi rêve dibe û got: “Niha ji ber ku rewşek aram û wekhev bi têkoşîna QSD’ê hat avakirin loma pêdivî bi Tirkiyê tuneye. Em dewleta tirk li ser axa Minbicê naxwazin.”Hena Şerîf da zanîn ku Tirkiyê çav berdaye aramiya Minbicê û got: “Dewleta tirk dixwaze alozî, êrîş û dagirkirina ku li Efrînê kir, li Minbicê jî bike. Ji demokrasiyek ku li ser pergala wekheviyê hatiye avakirin heye li Minbicê loma hewce nake ku dewleta tirk û Amerîka li ser Minbicê li hev bikin.”
Hena bi lêv kir ku ew dev ji Minbicê bernadin û got: “Dê gelê Minbicê destûrê nede ku kes derbasî bajarê Minbicê bibe. Jixwe pergala Minbicê ya ku hatiye avakirin hemû gel di bin sîwana xwe de kom kiriye û cudatiyê naxe nav wan. Heger dewleta tirk têkeve Minbicê dê aramiya gel xera bibe. Loma em desthilatdariyê qebûl nakin.”Hena Şerîf da zanîn ku ew ê ji bo Minbicê heta dawî li ber xwe bidin û wiha dawî li axaftina xwe anî: “Erdogan dixwaze zihniyet û dewleta Osmaniyan li Minbicê ava bike. Lê kesekî xêr ji pergala Osmaniyan nedîtiye ku em bibînin. Em ê wekî gelê Minbicê bi dilekî yekpar axa xwe biparêzin.”…JINNEWS
