Desteya Çand û Hunerê bi hevkariya Rêveberiya Kampa Serdemê Şanoyek bi navê” Dûvê Hespê” li kampê pêşkêş kir. Armanca ji pêşkêşkirina şanoyê ew e ku moral bidin şênî û zarokên ku derûniya wan di encama êrîşên dagirkeriya li ser Efrînê de xirab bûye.
Desteya Çand û Hunerê bi hevkariya Rêveberiya Kampa Serdemê Şanoyek bi navê” Dûvê Hespê” li kampê pêşkêş kir.
Piştî hefteyek ji amadekeriyan endamên Desteya Çand û Hunerê ya kantona Efrînê şanoya bi navê “Dûvê Hespê” îro li kampa Serdemê pêşkeş kir. Şano bi amadebûna bi dehan şênî û zarokên li kampa serdemê hate pêşkêşkirin.
Armanca ji pêşkêşkirina şanoyê ew e ku li ser rûyê şênî û zarokên ku derûniya wan di encama êrîşên dagirkeriya li ser Efrînê de xirab bûye, ji nû ve kenê xêz bikin.
Nameya şanoyê ew bû, “em bawerî bi dijmin nekin ji ber ku di her kêliyekê de dikare xiyanetê bike.”…ANHA
