Di 18’ê Hezîranê de Konferansa Rizgarkirina Efrînê hat li dar xistin û derbarê rizgarkirina Efrînê de biryarên girîng hatin girtin. Delegeên Konferansê bi gel re rêzecivînan lidardixin û encamên konferansê dinirxînin. Li navçeya Kefer Naya, gundên Babis û Um El Hoş yên Şehbayê bi beşdariya sedan welatiyan civîn hatin lidarxistin.
Delegeyên Konferansa Rizgarkirina Efrînê derbarê nirxandin û biryarên konferansê de hatin standin rêzecivînan li dar xistin.
Civîn li navçeya Kefer Naya, gundên Babis û Um El-Hoş ên kantona Şehbayê bi amadebûna bi sedan welatiyan hatin lidarxistin. Di civînê de nêrîn û pêşniyarên welatiyan hatin girtin.
Di civînan de encamneya Konferansa Rizgarkirina Efrîne hate xwendin, her wiha nîqaş û axaftinên di konferansê de hatin kirin, ji welatiyan re hatin vegotin.
Endamên konferansê, bal kişandin ser kêmasî û şaştiyên ku di saziyên sivîl û leşkerî yên Efrînê de hatin kirin destnîşan kirin û li hemberî kêmasiyan girîngiya girtina tedbîran hate destnîşankirin. Hate gotin ku ji bo parastina jiyana sivîlan ji teknîka pêşketî ya şer divê şikeft û spartgeh werin amade kiirn.
Beşdaran jî, ji bo derbaskirina kêmasiyan nêrîn û pêşniyarên xwe gotin û diyar kirin ku ew amade ne li kêleka şervanên YPG û YPJ’ê bisekinin û berxwedaniya xwe berdewam bikin ta Efrîn azad bibe û gel vegere warê xwe.
250 endamên saziyên Rêveberiya Xweseriya Demokratîk a kantona Efrînê 18’ê Hezîranê de Konferansa Rizgarkirina Efrînê lidar xistin. Konferans 4 rojan berdewan kir û bi girtina biryarên derbarê rizgarkirina Efrînê de bi dawî bû…ANHA
