Hêzên Ewlekariya Hundir a Reqayê 3 roj beriya niha li dijî şaneyên razayî yên çeteyên DAIŞ li bajêr operasyonek da destpê kirin. Di encamê de 140 çete hatin girtin, gelek çek û cebilxane hat desteser kirin.
Bajarê Reqayê beriya 8 mehan ji aliyê şervanên Hêzên Sûriya Demokratîk (QSD) ve hate rizgarkirin. Piştî rizgarkirina bajêr komên çete yên veşartî dixwazin tevlîheviyê li herêmê derxin.
Heta niha ji aliyê van çete û komikan ve hinek teqîn li bajêr hatin kirin, mayîn hatin çandin û her wekî din dixwestin zextê li ser gel bikin. Li ser vê yekê Hêzên Ewlekariya Hundirîn a Reqayê 3 roj beriya niha li dijî van çeteyan û komikan li tevahiya bajêr operasyonek berfireh da destpê kirin. Di encama vê operasyona ku du rojan dewam kir de gelek çete hatin girtin. Her wiha miqdarek çek û cebilxane hate desteser kirin.
Piştî vê operasyona taybet ya li Reqayê, niha li bajêr rewş asayî ye û gel jiyana xwe ya rojane berdewam dike.
Li Reqayê rewş arame
