Zarokê bi navê Hisên Ebdullah yê 13 salî ji ber êrîşên balafiran û hilweşandina bajarê Helebê neçarî koçberiyê bû û di kampeke koçberan ya li Bakurê Sûriyê de bi cih bûye û niha xwarin û şîraniyên ku koçberekî dane wî difiroşe û pê debara malbata xwe dike.
Zarokê bi navê Hisên Ebdullah bi temenê xwe 13 salî ye û ji bajarê Helebê piştî ku mala wan di encama êrîşên balafiran de hat hilweşandin, tevî malbata xwe koçberî kampa Eyn Îsa ya Bakurê Helebê bûye. Hisên du birayên wî yên jê biçûktir jî hene. Piştî ku malbat koçberî bajarê Minbicê bû, beriya salekê bavê zarokan di encama parçeyekî topa çeteyên DAIŞ’ê de birîndar û astengdar dibe.
Êşa malbata Hisên li rex paşguhkirina rêxistinên mirovî ji rewşên koçberan re, ku divê wekî hemû zarokan cihê xwe di dibistanekê de bigire, ji ber berpirsyariya wî ya mezin neçar ma ji dibistana xwe dûr bikeve.
Piştî ku malbat gihaşt kampa Eyn Îsa, Hisên di xwaringeheke navçeya Eyn Îsa de xebitî û piştre di kampê de cihek ji xwe re dît û niha tê de xwarin û şîraniyên zarokan difiroşe.
Hisên El-Ebdullah diyar dike ew rojane nêzî 500 lîreyên Sûriyê qezenc dike û pêdiviyên malbata xwe pê b cih tîne.
Hisên diyar kir piştî ku mala wan a Helebê hilweşiya û ew neçarî koçberiyê bûn, ew neçar ma dest ji xwendina xwe berde da ku bikare debara malbata xwe bike.
Hisên bang li rêxistinên mirovî kir ku zarokan biparêzin û alîkariyê bi malbatên wan re bikin…ANHA
Posta çûyî
Posta tê