Rêxistina Jinên Ciwan ên Têkoşer bi daxuyaniyekê bang li jinên ciwan û ciwanan kir ku beşdarî çalakiya mertalên zindî ya li Binarê Qendîlê li dijî dagirkeriya dewleta Tirk ji 8’ê Hezîranê ve didome bibin. Li bajarokê Sengeserê ya ser bi Ranya Rêxistina Jinên Ciwan ên Têkoşer li dijî dagirkeriya dewleta Tirk a li ser xaka Başûrê Kurdistanê daxuyanî da.
Endama Rêxistina Jinên Ciwan ên Têkoşer Zîlan Resul daxuyanî xwend. Di daxuyaniyê de wiha tê gotin; “Dagirkeriya dewleta Tirk roj bi roj zêde dibe. Bêdengiya aliyên siyasî yên Herêma Kurdistanê berdewame. Êrîşên dewleta Tirk jî ne tenê niha ne. Bi dehan sale êrîşên dewleta Tirk didomin. Ji ber êrîşan heya niha bi dehan welatiyên sivîl bûne qurbanî. Armanca dewleta Tirk ne PKK ye, welatiyên Başûrê Kurdistanê ye. Ji ber ku dewleta Tirk hemû Kurdan ji bo xwe weke metirsî dibîne.”
Bi berdewama daxuyaniyê de wiha tê destnîşan kirin; “Heya niha aliyên siyasî yên Başûrê Kurdistanê nebûne xwedî helwest. Lewma dagirkerî gihîşt vê astê. Me dît li Şengalê çi rû da, niha weke jin em ê qet rê nedîn Şengalekî din li Başûrê Kurdistanê dubare bibe. Heya ku dagirkerî hebe, wê çalakî û xebata me berdewam bikin. Em ê xwedî li xak û welatê xwe derkevîn. Me niha dest bi çalakiya mertalên zindî kiriye, li Binarê Qendîlê. Em bang li ciwanan û jinan dikin ku beşdarî çalakiyê bibin û xwedî li xaka xwe derkevin.”
Bang li jinên ciwan kirin
