Hevseroka Eniya Gel a Demokratîk li Başûrê Kurdistanê diyar kir ku pêwîst e jinên Rojava tecrubeyên xwe yên têkoşînê bi jinên cîhanê re parve bikin.
Şandeyeke Kongreya Star ku li başûrê Kurdistanê ye, serdanên xwe ji rêxistin û saziyên jinan re berdewam dike. Şandeyê serdana Navenda Eniya Gel a Demokratîk a li bajarê Silêmaniyê kir û bi hevseroka wê Şêrîn Murad re civiya.
Di serdanê de şandeyê behsa serkeftinên jinên Rojava û Bakurê Sûriyê kir.
Şandeyê behsa destdirêjiyên artêşa tirk a dagirker ya li dijî welatiyên Efrînê de kir û bi taybet jinên Efrînê. Her wiha dane zanîn ku dewleta tirk malbatên komên çete yên girêdayî wê li seranserî Efrînê bi cih dike û siyaseta xwe ya guhertina demografîk li Efrînê berdewam dike.Şandeyê diyar kir ku pêwîst e rêxistinên jinan ên Kurdistanê û cîhanê bi rol û erka xwe li hemberî jinên Efrînê rabin û rê li pêşiya destdirêjiyên Tirkiyê bigirin.
Li aliyê din hevseroka Eniya Gel a Demokratîk serbilindiya xwe bi serkeftinên jinên kurd ên Rojava û Bakurê Sûriyê anî ziman û diyar kir ku pêwîst e alîkariya projeya jinên Rojava were kirin û pêwîst e jinên Rojava jî tecrubeyên xwe yên têkoşînê bi hemû jinên cîhanê re parve bikin.
Divê jin ji bo Efrînê bi erka xwe rabin
