Yekitiya Jinên Ciwan a Bakurê Sûriyê bi armanca avakirina Yekitiya Jinên Ciwan li Reqa û gundewarên wê civînek ji jinên ciwan ên bajar re li dar xist.
Yekitiya Jinên Ciwan a Bakurê Sûriyê bi armanca hilbijartina jinan ji bo avakirina Yekitiya Jinên Ciwan li Reqa û gundewarên wê û bi dirûşma “Bi tekoşîna jinan em ê zîhniyeta koledarî hilweşînin” civînek li dar xist.
Endamên Yekitiya Jinên Ciwan ên Bakurê Sûriyê, jinên Meclisên Herêmî ên Reqayê, Meclisa Jinên Sûriyê ya bajarê Reqayê û gundewarên wê û jinên navçeya Eyn Îsa ya girêdayî herêma Firatê beşdarî civînê bûn.
Endama Yekitiya Jinên Ciwan a Bakurê Sûriyê Medya Mihemed axivî û derbarê avakirina yekitiyê de ku wê di demên pêş de were avakirin û got: “Ev yekitî tenê ji bo jinên ciwan e. Wê komîteyên mîna çand û huner, siyasî, ragihandin, werzîş û perwerde dê werin avakirin.”
Paşê hilbijartin hat kirin. 20 jin wek endamên yekîtiyê hatin hilbijartin.
Di dawiyê de senevîzyon li ser tundiya li ser jinan di dema ku bajarê Reqayê di bin dagirkeriya çeteyên DAIŞ`ê de bû û li ser rol û girîngiya jinan di civakê de hatin pêşandan…REQA
Li Reqayê Yekitiya Jinên Ciwan ava dibe
