Êrîşên dewleta Tirk yên li ser başûrê Kurdistanê û hewldanên dagirkirinê di rojeva hemû Kurdan de ye. Hunermendê Kurd Nasir Rezazî li dijî êrîşan banga yekîriyê li hêzên siyasî yên Kurd kir û got, “Ger ku Kurd yekîtiya xwe ava bikin wê ti dewletek nikare êrîşî Kurdistanê bike.”
Hunermend Nasir Rezazî li dijî êrîşên dagirkeran û ji bo parastinê banga yekîtiyê li gelê Kurd kir û diyar kir ku eger Kurd yekgirtî bin dewleta Tirk nikare êrîşî Kurdistanê bike.Hunermendê Kurd Nasir Rezazî li dijî dagirkeriya dewleta Tirk bang li gelê Kurd kir ku yekîtiya xwe pêk bîne.
Rezazî diyar kir ku sedemê sereke yê dagirkeriyê hevnegirtina aliyên siyasî yên Kurdane û got; “Eger partiyên me yekgirtî bin û destên xwe bidin destê hev, pirsgirêkên navxweyî çareser bikin , ne tenê Tirkiye, Amerîka jî nikare êrîş bike ser Kurdistanê, yan jî pirsgirêkan ji bo xelkê çêbike.”Rezazî got ku piştî Kerkûk, Efrîn û referandûmê divê aliyên siyasî nakokiyên xwe danin aliyekê û li ser yekbûnê bihizirin û wiha pêde çû; “Ji bo ku êdî artêşên Tirkiyê û Îranê nekarin êrîşî xaka Başûrê Kurdistanê bikin, divê yekîtî pêk were.”Hunermend Nasir Rezazî herî dawî da zanîn ku divê her kes li dijî dagirkeriyê tişta ji dest bê bike û wiha got; “Ne tenê hunermend, pêwîste hemû ferdên Kurd li herçar parçeyên Kurdistanê û derveyî welat tişta ji destê wan bê bikin, ji bo ku pêşiya dagirkeran bigirin.”
