Welatiyê bi navê Ednan Elî çîrokên şehîdên komkujiya 25’ê hezîranê ya Kobanê di pirtûka binavê “Jînameya Şehîdên berbanga sibehê” de kom kir.
Çeteyên DAIŞ’ê di 25’ê hezîrana sala 2015’an de li bajarê Kobanê komkujî pêk anî. Di komkujiyê de li Kobanê û Berxbetanê 233 sivîl şehîd bûn.
Welatiyê bi navê Ednan Elî ji beriya 3 meh û nîvan dest bi berhevkirina çîrokên şehîdên komkujiya Kobanê û Berxbetanê kir. Armanca wî ji berhevkirina wan ew e ku çîrok û serpêkhatyên wan bike pirtûk.
Ednan bi hevkariya Îlham Misko ji destpêka meha adara borî de dest bi berhevkirina çîrokan kirin. Pirtûk du beş in, beşa yekemîn çîrokên şehîdên Berxbetanê ye û beşa duyemîn çîrokên şehîdên Kobanê ye.
Ednan beriya du mehan beşa yekemîn bi dawî kir û ji bo çapê şandibû Qamişlo û niha di van rojan de li benda pirtûkê ye da ku weke diyarî li malbatên şehîdên komkujiyê belav bike.
Ednan Armanca nivîsîna pirtûkê wiha anî ziman: “Di dîrokê de gelê kurd rastî gelek komkujiya hatiye. Ev komkujî n hatiye belgekirin. Ji lewra me xwest ku em vê komkujiyê belege bikin da ku her di bîra dîrokê de bimîne.”
Ednan behsa astengiyên ku rastî wî hatine kir û got: “Ji ber ku em di karê nivîsê de nû ne, em di warê teknîkî û nivîsê de rastî gelek astengiyan hatin. Lê ew astengî nebûn kelem li ber derketina beşa yekem a pirtûkê.”
Ednan heta niha hîn dest bi nivîsandina beşa duyemîn apirtûkê nekiriye. Bavê Ednan Elî di komkujiya 25’ê hezîranê şehîd bû…ANHA
Posta çûyî