Li Reqayê peymangeh 15`ê îlonê 2017`an vebû, her diçe hejmara şagirtan zêdetir dibe û heyanî niha 5 dewreyên perwerde vebûne.
Peymangeha Reqa dewreya 5`emîn a Şehîd Îmad Mehawiş vekir û 31 şagirt ji Reqa û gundewarên wê tevlî dewreya perwerdê bûn. Perwerde wê 40 roj berdewam bike û dê waneyên îdeolojîk û pîşeyî weke raghandin û fêrbûyîna leptop werin dayîn.
Ji Rêveberiya Peymangehê Hisên El-Ebîd li ser mijarê axivî û got:˝ Şagirt baş tevlî perwerde dibin û daxwaza wan a pêşketinê heye˝.
Şagirtê Peymangehê Ehmed Kedûr jî got: ˝Destpêkê ez di biryara xwe ya tevlîbûna dewreya perwerdê de ne zelal bûm lê belê ez niha bang li hemû ciwanan dikim ku werin peymangehê xwe qeyd bikin. Piştî çend salan em ji dagirkeriya çeteyên DAIŞ`ê rizgar bûn û em niha bi rehetî têne perwerde kirin˝.
Şagirtê bi navê Ehmed Ebîd jî got: ˝Di civaka me de tu mafên jinê tinebûn lê belê ew jî niha tevlî perwerdê dibin û em hatine peymangehê da ku xwe pêşbixînin û civakeke zanist ava bikin˝.
Şehîd Îmad Mehawiş ji herêma Kesrat a dikeve başûrê Reqa yê ye. Şehîd Îmad yek ji şagirtên vê peymangehê bû û dema xebatên ciwanan li Reqa û gundewarên wê dida meşandin şehîd bû…ANHA
Hejmara şagirtên peymangehê zêdetir dibe
