Dewleta Tirk a ku bi salan e di bin navê PKK’ê de êrîşî xaka Başûrê Kurdistanê dike. Heta niha di encama êrîşan de bi dehan welatiyên başûr şehîd bûne. Welatiyên başûr diyar kirin ku li dijî êrîşan ew ê cih û warê xwe neterikînin û bang li hêzên Kurd kirin ku li dijî êrîşên dagirkeriyê bibin yek.”
Gelê Başûrê Kurdistanê destnîşan dike ku armanca dewleta Tirk qirkirina Kurdan e û dibêje, “Berdêla xwe canê me jî be em ê cih û warê xwe biparêzin.”
Dewleta Tirk a ku bi salan e di bin navê PKK’ê de êrîşî xaka Başûrê Kurdistanê dike. Heta niha di encama êrîşan de bi dehan welatiyên başûr şehîd bûne. Welatiyên başûr diyar kirin ku li dijî êrîşan ew ê cih û warê xwe neterikînin.
SIVÎL TÊN KUŞTIN
Rêbiwar Ehmed Birahîm: “Em bi hemû şêweyî li dijî êrîşên dewletên dagiker in. Ev der cih û warê me ne. Em ê bi ti şêweyî rê nedin dagirkeriyê. Ne cara yekê ye ku dewleta Tirk êrîşê dibe ser gundê me. Dixwazin gelê herêmê bitirsînin û ji warên wan bidin revandin. Qendîl ne cihekî ji rêzê ye û wê ti carî kesek nikaribe dagir bike.”
EM Ê TÊBIKOŞIN
Dêhat Sedredîn: “Em jî weke şêniyên gundê Mawnayê helwesta dewleta Tirk a dagirker şermezar dikin û dibêjin, encax bi yekîtiyeke xurt em dikarin pêşî li armancên dagirkeran bigirin. Peyama me ji bo dezgehên mafên mirovan ew e ku faşîzma dewleta Tirkiyê bibînin û li dijî wê xwedî helwest bin. Çi jî dibe bila bibe em dest ji cih û warê xwe bernadin, em ê li dijî êrîşan têbikoşin.”
QENDÎL MALA ME YE
Rêbûwar Emîn: “Ciwanên Qendîlê wê ti carî rê nedin dagirkeriyê. Qendîl mala me ye û em weke ciwanên Qendîlê amade ne mîna çavên xwe li Qendîlê binêrin. Eger di berdêla wê de em canê xwe jî bidin em amade ne biparêzin. Eger dewleta Tirk bixwaze Qendîlê dagir bike em ê bersiva pêwîst bidinê.”
DIVÊ HELWEST YEK BE
Feysel Xelatê: “Ev polîtîkaya dewleta Tirk ne nû ye, her tim bi gotin û êrîşan gefa dagirkirina Qendîlê dixwin. Ev gef ji bo ku gel cih û warê xwe biterikîne, tên xwarin. Dewleta Tirk tim derewan dike. Divê li dijî dagirkeriyê helwesta hemû aliyên siyasî yek be.”
