Aborî û siyaset bi beşdarbûna jinan wê pêş bikeve

Hevseroka Konseya Karên Civakî ya Efrînê Arîfe Bekir derbarê rola jinê ya di aborî û siyasetê de axivî û diyar kir ku jina kurd her dem bi jêhatîbûna xwe derketiye pêş û got: “Karê aborî û siyasetê bi beşdarbûn û hêza jinê wê pêş bikeve.”
Hevseroka Konseya Karên Civakî ya Efrînê Arîfe Bekir derbarê rola jinê ya di aborî û siyasetê de anî ziman ku di dîrokê de her dem jinê di nav karê aborî û siyasetê de cihê xwe girtiyê û serkefinên mezin bi dest xistiye.
Arîfeyê bal kişand ser bandora Rêberê Gelê Kurd Abdullah Ocalan a li ser jinê û got: “Rêber Apo her rola jinê ya girîng a di nava hemû qadên civakî de parastiye.”
Arîfeyê anî ziman ku jin dema ku karekî dike tenê berjewendiyên xwe nafikirin û ev yek ji bo rola jinê ya di siyaset û aboriyê jî derbasdar e û wiha dewam kir: “Yên bi hezar sal berê hîmê bingehîn ê birêvebirina civakê ava dikir dîsa jin bûn. Her wiha jina Kurd piştî Şoreşa Rojavayê Kurdistanê jî di qada aborî û siyasetê de bû xwedî rolek girîng. Rol û misyona girîng a jinê ku piştî Şoreşa Rojava derket pêş elbet bandora fikir û ramanên Rêber Apo jî gelek heye. Jina Kurd di sîstema birevebirinê ya Rojavayê Kurdistanê de xwedî rolek girîng e ev jî bandorek erênî li ser civakê dike. Di heman demê de bandorek erênî li ser xizmeta civakî jî dike. Dema di qada siyaset û aboriyê de jin ne xwedî rolek sereke be dê civak têk biçe.”Hevseroka Konseya Karên Civakî ya Efrînê Arîfe Bekir wiha dawî li axaftina xwe anî: “Em ê heta dawî wekî jin xwedî li keda xwe û li fikrên Rêber Apo derkevin.”…JINNEWS