Di 25’ê Hezîrana 2015’an de çeteyên DAÎŞ’ê êrîşî Kobanê kiribûn û komkujî pêk anîbûn. Şahida komkujiya Kobanê Zergê Şêx têkildarî komkujiyê got: “bi komkujiyan wê nikaribin Kurdan tune bikin.”
Di 25’ê Hezîrana 2015’an de çeteyên DAÎŞ’ê êrîşî Kobanê kiribûn û komkujî pêk anîbûn. Şahida komkujiya Kobanê Zergê Şêx Mehmûd ku xarziya wê Jiyan di komkujiya Kobanê de jiyana xwe ji dest dabû, axivî û wiha got: “Em ê tu carî kesên ku di komkujiyê de jiyana xwe ji dest dan ji bîr nekin û axa xwe ya ku bi xwîna şehîdên me hatiye avdan biparêzin.”
Zergê got: “Dema ku dengê çekan hat em derketin derve, me dît ku DAÎŞ guleyan bi ser gel de dibarîne. Xarziya min jî birîndar bûbû. Lê Jiyan çeka bavê xwe girt û li dijî çeteyan şer kir. Wê bi wêrektiyek mezin bersiv da çeteyan û jiyana xwe ji dest da.”
Zergê da zanîn ku ew jî di komkujiya Kobanê de birîndar bûbû û wiha dewam kir: “Ez jî bi awayekî giran birîndar bûbûm. Biraziyên min hatin min ji Kobanê derxistin û birin nexweşxaneya Bakurê Kurdistanê. Ji bo komkujyên bi vî rengî careke din dubare nebe divê em hêza xwe bikin yek û li dijî dagirkeran xwe biparêzin. Hêza me û têkoşîna me dê ji êrîşan re bibe bersiva herî xurt.”Zergê Şêx Mehmûd diyar kir ku ew bi dilekî germ kesên ku di komkujiyê de jiyana xwe ji dest dan bi bîr tîne û wiha dawî li axaftina xwe anî: “Neyarên me dibêjin qey gelê Kurd dê bi kuştinê biqedin û li çar parçeyên Kurdistanê êrîşî me dikin. Lê em Kurd qet naqedin emê her hebin û liberxwe bidin.”…
JINNEWS
Kurd bi komkujiyan tune nabin
