Nerazîbûna li dijî êrîşên dagirkeriya dewleta Tirk zêde dibin. Welatiyên bajarê Qamişlo êrîşên dewleta Tirk yên li ser başûr û rojavayê Kurdistanê şermezar kirin û diyar kirin ku ew dagirkeriya dewleta Tirk qebûl nakin.
Şêniyên bajarê Qamişlo êrîşên Dewleta Tirk ên li ser Başûrê Kurdisatanê û gefên li ser Bajarê Minbicê şemezar kirin û gotin ku ew dagirkeriya Tirkiyê bi tu awayî qebûl nakin.
Welatiyên bajarê Qamişlo êrîşên dewleta Tirk ên li ser Başûrê Kurdisatanê û kiryarên ne mirovî yên li dijî sivîlên Efrînê, her wiha gefên rojane yên li ser Minbicê bi tundî şermezar kirin.
Dayika bi navê Xezal Mihemed a 70 salî derbarê mijarê ade nî ziman ku armanca Tirkiyê ji dagirkirinê, şikandina îradeya gelan e û wiha got: “Em dixwazin bi azadî, bi zimanê dayîkê bijîn. Lê Dewleta Tirk dijminahiya xwe li hemberî me didomîne, em ê jî bi hêza xwe ku bingeha xwe ji fikrê Ocalan digire li hemberî wan şer bikin.”
Dayika Xezal, diyar kir ku ew ê ti carî dev ji axa xwe ya ku bi xwîna şehîdan hatiye avdan bernedin.
Welatiyê bi navê Şiyar Elî, nerazîbûn nîşanî dagirkeriya dewleta Tirk da û anî ziman ku dewleta Tirk bi salan şerê gelê Kurd dike, da ku herêmên wan ên bi xêr û bêr dagir bike û ev tişt anî ziman: “Tirkiye dixwaze gelê Kurd tune bike, da ku xêr û bêra wan bidize. Wê rojek were gelê Kurd biserkeve.”
Welatiyê bi navê Yeqûb Dawud jî êrîşên li ser Başûrê Kurdistanê şermezar kir û da zanîn ku êrîşên li ser Başûr di heman demê de li Rojava ne û GOT: “Em ê bi rihê şoreşgerî biserkevin û her dem em ê li hemberî dewleta faşist a Tirk têkoşînê bikin û li ber xwe bidin.”
