Şaredariya Gel a devera El-Hemrat a girêdayî bajarê Reqayê sê dergehên li Hemze Nasir ên li ser geliyê Mingilan ku li ba welatiyan xwedî girîngiyeke mezin in, sererast kirin.
Ji ber baran û lehiyên vê dema dawî gelek pirên li gundewarê rojhilatê Reqayê hilweşiyan. Buroya Xizmetguzariyan a girêdayî Şaredariya Gel a devera El-Hemrat sê dergehên li ser geliyê Mingilan ên li Hemze Nasir sererast dike.
Evan her sê dergeh li ba welatiyên gundên rojhilatê Reqayê xwedî girîngiyeke mezin in û çûn û hatina di navbera Hemze Nasir a rojava û Hemze Nasir a rojhilat de peyda dike.
Girêdayî mijarê pîşekarê di Şaredariya Gel a devera El-Hemrat Elî Xelef axivî û wiha got: “me sê pirên li ser gelî sererast kirin. Pira yekemîn Hemze Nasir a rojava bi Hemze Nasir a rojhilat ve girê dide. Pira duyemîn jî heman aliyan bi hevûdu ve girê dide. Pira sêyemîn jî devera başûr bi devera bakur ve girê dide.”
Xelef diyar kir ku bi sererastkirina van her sê pireyan çûn û hatina welatiyan hêsan kiriye…ANHA
Şaredariya EL Hemrat xebatên xizmetê didomîne
