Xwediyên lawir, masî û mirîşkan ji ber buhabûna êm û aşleyên sewalan bi gazinc in û bang li Meclîsa Sivîl kirin ku alîkariya wan bikin.
Ji ber sedemên cûda yên wekî belavbûna nexweşiyên sewalan, buhabûn û sextebûna cûreyên aşle û êmên sewalan, li Reqayê sewaldariyê zirar dîtiye.
Ji bo çareserkirina van pisgirêkan Komîteya Sewaldarî ya Reqayê dest bi çavdêrkirina dermanxaneyên sewalan kir û ji ber giliyên xwediyên sewalan ji bazarên bêserûber, komîte hewl dide bazarek daîmî çêbike.
Serokê Komîteya sewaldariyê Munzir Rifet derbarê mijarê de wiha got: “Me ji bo 63 dermanxaneyên beytarî, 6 depoyên beytarî û 42 mirîşgehan re destûra vekirinê daye.”
Sewaldarê bi navê Hemadî El-Hisên derbarê mijarê got: “Em ji Meclîsa Sivîl a Reqayê hêvî dikin ku bazarekî giştî li şûna gelek bazarên zêde ku hatine çêkirin, veke.”Bijîşkê Sewalan Ehmed El-Hisên jî li ser mijarê ev tişt anî ziman “Ji ber kêmbûna aşleyên sewalan û ji ber bazarên bêserûber nexweşiyên lawiran zêde bûne.”
Endamê komîteya sewaldariyê Mehmûd El-Hemzewî jî derbarê mijarê de ev tişt anî ziman: “Masîvanî ji ber şer, nêçîriya zêde û guhnedana nêçîrvanan zirar dîtiye. Lewra em ê komîteyên çavdêriyê û nasandina nêçîriyê ava bikin”.
Her wiha xwediyên sewalan bang li Meclîsa Sivîl a Reqayê kirin ku di peydakirina pêwîstiyên sewalan de alîkariya wan bikin…ANHA
Sewalvanên Reqayê bi gazinc in
