Li Şengalê cotkaran dest bi dirûna ceh û genimên xwe kirin. Cotkarê bi navê Welîd Xidir diyar kir ku îsal gelek ziyana wan bûye û banga alîkariyê ji hikûmetê kir.Gelê Êzidî û bi taybet ên Şengalê herî zêde debara xwe bi çandiyê û berhemên xwemalî dikin. Di demsala zivistanê de çavê wan li barîna baranê ye, ji bo ku berhemekî baş ji çandiya wan derkeve. Sala ku baran kêm bibare cotkar ziyanê dibînin.Li Şengalê cotkaran îsal jî dest bi dirûna ceh û genimên xwe kirin. Lê tevî ku cotkar dibêjin, îsal qismetê wan ev e jî, lê dema ku berhemên xwe kom dikin, ji ber ziyanê xemgîn dibin.
Cotkarê bi navê Welîd Xidir ku xelkê komalgeha Gohbel ya ser bi Şengalê ye û alavên çandiniyê û rakirina berhemên çandiniyê yên wî bi xwe ne, diyar kir ku gelê Şengalê herî zêde karê çandiyê dikin, lê îsal jî sûd ji çandiyê nedîtin û got; “Ger alavên rakirina berheman ne yê me bi xwe bûna, me nedikarî em kiriya wan bidin, lê dîsa ji ber çandinî qismete, em spasiya xwedê dikin, dema baran kêm bibare em ziyan dibînin. Îsal ji ber baran kêm barî me ziyan dît.”Xidir da zanîn ku wan îsal 100 ton ceh û genim çandine, lê heya niha 10 ton kom nekirine û daxwaz ji hikûmetê kir ku alîkariya wan bike û got: “Hikûmet bi gel re nabe alîkar. Ger bibûya alîkar, me yê aboriya xwe bi xwe xurt bikira, ji ber ku deşta Musil û bi taybet erdên Şengalê ji bo çandinyê pir başin, lê hikûmet pişta xwe bi petrolê girê dide û çandiniyê pişguh dixe. Ger kesek bixwazibe bi van makîna çandinyê bike, ji ber mazot ji aliyê hikûmetê ve nayê dayîn û gel jî feqîre nikarin çandinyê bikin.”Welîd Xalid diyar kir ku hikûmetê hîn pereyê berhemên wan ê par nedane…ROJNEWS
Cotkarên li Şengalê bang li hikûmetê kirin
