Artêşa tirk a dagirker 3 jeneratorên li herêma Racoyê yên ku enerjî dida şebekeya telefonan dizîn.
Çavkaniyekî ji gundê Moskê yê herêma Racoyê diyar kir ku artêşa tirk a dagirker û çeteyên wê 3 jeneratorên ku li ser hewza avê ya li bakurê gund, dizîn.
Çavkanî tekez kir ku jenerator ji bo ku ceyranê bigihînin toreya telefonên (MTN û Syriatel) li herêma Racoyê hatibûn danîn.
Her wiha çavkanî destnîşan kir ku malên welatiyên bi navên Osman Bekir û Mecîd Bekir veguherandin navendên çeteyan.
Ji aliyê din ve çavkaniyekî ji gundê Şêx Bilo yê girêdayî herêma Racoyê diyar kir ku artêşa tirk a dagirker û çeteyên wê piştî ku malên welatiyan talan kirin, xwe ji gund vekişandin. Her wiha çavkanî got ku çeteyên Tirkiyê berê xwe daye gundekî din da ku wî jî talan bikin.
Dagirkeran jenerator dizîn
