Piştgiriya bi başûrê Kurdistanê re ya li dijî hewldanên dagirkirinê yên dewleta Tirk zêde dibin. Bi sedan ciwanên ji hemû bajarên Rojava û bakurê Sûriyê ji bo piştgiriyê bidin başûrê Kurdistanê û dagirkeriyê şermezar bikin ber bi başûrê Kurdistanê ve dimeşin. Lê ciwan li deriyê Sêmalka hatin rawestin û rê nedan ku derbasî başûr bibin.
Bi sedan Ciwanên Rojava-Bakurê Sûriyê bi armaca şermezar kirina êrîşên dewelta Tirk derbasî başûrê Kurdistanê bibin meşiyan deriyê Sêmalka lê ji aliyê rêveberiya Derî ya başûr ve hatin rawestandin. .
Zêdetirî 2 hezar ciwan ji hemû bajar û herêmên Rojava-Bakurê Sûriyê ji bo piştgiriyê bidin berxwedanê û dagirkeriya Tirk ya li ser başûr şermezar bikin ji bo derbasî başûrê Kurdistanê bibin li deriyê Sêmalka yê di navbera Rojava û başûr de ji aliyê rêveberiya Derî ya başûr de hatin astengkirin û nehiştin derbas bibin.
Ciwanên herêmên Cizîr û Firatê û her wiha yên bajarên Reqa, Minbic, Dêrazorê û herêma Şengalê tev li meşa ber bi Başûr ve bûne. Zêdetirî 2 hezar ciwan ji hemû pêkhateyên Kurd, Ereb, Suryanî tev li meşê bûne. Her wiha dayikên şehîdan jî ji destpêkê ve tev li meşa ciwanan bûne.
Hêzên Ewlehiya Hundirîn “Asayîşa Rojava”, hêzên trafîkê û ambulansên Heyva Sor a Kurd piştgiriyê didin meşa ciwanan…
Ciwanên ji Bakurê Sûriyê li Deriyê Sînor ê Sêmalka hatin rawestandin. Destûr ji ciwanan re nehate dayin ku ji deriyê sînor derbas bibin. Li ser vê yekê ciwanan hewl dan ji pira li ser sînor derbas bibin, lê hêzên ewlekariyê li ber wan rabûn…ANHA
