Li Tilhemîsê du malbat lihevhatin

Bi koordîneya şêx û rûspiyên herêmê Komîteya Lihevanînê ya navçeya Til Hemîsê du malbat li hev anîn.
Bi sedema ku yek ji malbata Eyfan pezê xwe li nav zeviyên malbata Werdan a li gundê Serêc diçêrand di navbera herdu malbatan de nakokî derket, nakokî gihişt asta kuştina ferdek ji malbata Eyfan.
Komîteya Lihevanînê ya Navçeya Til Hemîsê bi koordîneya şêx û rûspiyên Ereb bi armanca lihevanînê, rûniştinek li gundê Serêc lidar xist.
Endamên herdu malbatan (Werdan û Eyfan) şêxê eşîreya Tey Mihemed Ebdulrezaq, endamên komîteya Lihevanînê ya Navçeya Til Hemîsê û Nûnerê TEV-DEM‘ê Heyal El-Xiweyir di rûniştinê de amade bûn.
Di civînê de, girîngiya lihevkirin û çareserkirina nakokiyan û rawestandina rijandina xwînê, her wiha belavkirina çanda lêborîn û biratiyê hate destnîşankirin.
Berpirsê Komîteya Têkiliyan a TEV-DEM‘ê yê navçeya Til Hemîsê Heyal El-Xiweyir şêx û rûspiyan li ser rola çareserkirina nakokiyan spas kirin û hêviya lihevkirinê ji herdu malbatan xwest.
Di dawiyê de her du malbat li hev hatin û soz dan ku nakokî dîsa dernekeve…ANHA