Parlamenterê bajarê Serdeşt a girêdayî parêzgeha Urmiyê Resûl Xizirî diyar kir ku zêdetirê 150 hezar kolber di nava hejariyê de dijîn.
Parlamentere bajarê Serdeşt ê girêdayî parêzgeha Urmiyê li parlamentoya Îranê Resûl Xizirî li ser rewşa xerab a kolberan axivî.
Resûl Xizirî da zanîn ku ji bo kolberan çêkirina sîgortayê di ewlekariya navnetewî de hatibû pejirandin û erka hikûmetê ye vê pêk bîne, lê heya niha li ser vê hikûmetê ti karek nekiriye.
Xizirî diyar kir ku salên borî bê navber pere ji kolberan dihate wergirtin ku ji sedî 60’ê wan parêzvanên sînor, ji sedî 40 jî Wezareta Hundir bû, divê hikûmet bi vî pereyî kolberan sîgorta bike.
Di dawiyê de Xizirî wiha got; “Niha 150 hezar kolber di hejariyê de dijîn. Sedema vê jî girtina sînoran û bê kariye. Erkê hikûmetê ye ji bo wan derfetên kar peyda bike.”…ROJNEWS
150 hezar kolber di nava hejariyê de dijîn
