Emîne Elîko ya Efrînî di encama êrîşên dagirkeriya Tirkiyê û çeteyên girêdayî wê yên bi gazên jehrê li ser Efrînê de nexweş dibe. Li gorî bijîşkan Emîne bi nexweşiya kansirê re rû bi rû ye.
Artêşa Tirk a dagirker di êrîşên xwe yên ji 20‘ê Çileyê ve li ser kantona Efrînê çekên qedexekirî bi karanîn. Welatiyên Efrînê bi bermahiyên êrîşan bandor bûne û gelek jî nexweş ketine.
Emîne Elîko, ji ber bikaranîna gazên jehrê bi metirsiya nexweşiya kensera di qirika xwe de rû bi rû ye.
Emîne serpêhatiya xwe wiha vedibêje: “Mala min li taxa Mehmûdiyê yê Efrînê ye. Ji ber topbarana dewleta Tirk, ez neçar dimam ku pencereyên malê vekim. Rojekê piştî topbaranê min bêhnek nexweş bihin kir pişt re dengê min çû.” Ji ber wê Emîne serî li heyva Sor a Kurd da, bijîşkan jê re gotin ku dengê wê ji ber bêhinkirina gazên jehrê wisa bûye.
Rewşa Emîne her çû xirabû, lewra çû Helebê serî li bijîşkan da. Bijîşkên Helebê mîna yên Efrînê ji Emînê re gotin ku pêlên deng ji ber bêhnkirina gazên jehrê zirar dîtine û eger derman nebe wê bi nexweşiya kansera qirikê bikeve.
Bijîşk ji rewşa Emîne bi fikarin, niha Emîne di bin çavdêriya bijîşkan de ye…ANHA
Jiyana Emîne yê di bin xeteriyê de ye
