Dewleta Tirk ne tenê di aliyê leşkerî û siyasî de dixwaze başûrê Kurdistanê dagir bike, her wiha dixwaze bi rêya serwerkirin çanda xwe çanda kurd jî dagir bike. Vê yekê jî de serî de bi rêya rêzefîlman dike. Derhênerê Kurd Hawrê Qadir diyar kir ku divê rêzefîlmên tirk werin boykotkirin û pêşî lê were girtin.
Derhênerê Kurd Hawrê Qadir diyar kir ku dewleta Tirk dixwaze bi rêzefilmên xwe çanda Kurdan dagir bike û got; “Çend rêzefilmên min amadene, lê kanal nakirin û rêzefilmên Tirkî dikirin.”
Dewleta Tirk a dagirker netenê xaka Kurdistanê dagirkir dike, dixwaze bi rêya çand û hunerê û rêzefilmên xwe çanda Kurd jî dagir bike û bêbandor bike.
Derhênerê şano û filman Hawrê Qadir diyar kir ku dagirkeriya dewleta Tirk tenê bi xakê re sînordar nemaye û dixwaze di aliyê çand û hunerê de jî dagirkeriya xwe berfireh bike û got: “Nivîskar û rewşembîr dikarîn binivîsên xwe li dijî dagirkeriya dewleta Tirk bisekinin. Hêza me heye ku em bikarin ji welatiyan re bêjin ku ev planeke li diji gelê Kurd tê kirin û em dikarin wan hişyar bikin.”
Hawrê Qadir got ku rêzefilmên Kurdî pêwîstiyeke û diyar kir ku rêzefilmên Kurdî hene, lê kanalên ku biweşîne nîne û wiha pêde çû; “3 rêzefilmên min hatine weşandin û 10 jî senaryoyên wan amadene. Em daxwaza alîkariyê dikin, lê dibêjin ku pere nîne. Ew kanalên ku filmên Tirkî dikirin û dublaj dikin, li ser kanalên xwe parvedikin, qet nafikirin dewleta Tirk bêpere jî bidin wan dîsa ziyana wan kanalên Kurdî têdeye, ji ber ku dewleta Tirk dixwaze çanda xwe pê belav bike.”Derhênerê Kurd Hawrê Qadir herî dawî wiha got, “Em dikarin bi boykotkirina filmên Tirkî, li dijî vê têkdana çand û hunera Kurdî rawestin. Me gelek daxwaz kiriye ku ger kanalên me nexwazin rêzefilmên Kurdî biweşînin, çi nebe, bila rêzefilmên nêzî çanda Kurdî û guncav dublaj bikin.”…ROJNEWS
