Şaredariya Gel a Çiyayê Kizwanan ji ber kêmderfetan û tunebûna alavan nikare projeyên xwe pêk bîne.
Şaredariya Gel a Çiyayê Kizwanan ku di 24’ê Îlona 2017 hatiye vekirin, alav û amûrên wê yên xebatê tune ne. Di encamê de û ji ber van kêmderfetan nikare proje û pilansaziya xwe pêk bîne.
Hevseroka Şaredariya Gel a Çiyayê Kizwanan Hind El-Ebdullah diyar kir ku gelek alavên wan ên şaredariyê nayên peydakirin û da zanîn ku seyareyeke wan jî tune ye da ku gera xwe li gundên Çiyayê Kizwanan bikin û rewşa van gundan bişopînin.
Hind di axaftina xwe de diyar kir ku wan di pilansaziya xwe de gelek proje danîbûn pêşiya xwe lê kêmderfetî û tunebûna alavan li pêşiya pêkanîna van projeyan dibin asteng.
Hind El-Ebdullah bang li aliyên têkildar kir ku alîkariya wan bikin, alavên pêwîst ji şaredariya wan re peyda bikin da ku karibin bi rêk û pêk xizmeta welatiyan bikin û devera çiyayê Kizwanan pêş bixînin…ANHA
Şaredariya Çiyayê Kizwanan nikare xizmetê bike
