Nivîskar Letîf Fatîh Ferec diyar kir ku dewleta Tirk ji berê ve dijminahiya Kurdan dike û got, “Tevî vê bê edebiyê jî hinek Kurd ji Erdogan bawer dikin. Erdogan bê rêziyê li mirov, xweza û zindewarên Kurdistanê dike.”
Dagirkeriya dewleta Tirk a li ser Başûrê Kurdistanê û gefên li dijî Qendîlê dibe sedema nerazîbûna hemû pêkhate û gelê Başûrê Kurdistanê. Nivîskar û rojnameger Letîf Fatîh Ferec li ser gefên Tirkiyê ya li dijî axivî û diyar kir ku Qendîl ne gundek biçûke ku hema Tirkiye bikevê.
Latîf got; “Qendîl ji dîroka xwe ya kevnar heya niha ve azade. Lê çeteyên Tirk bêrêziyê li hember xwezaya Qendîl dikin. Daran dişewitînin, lawiran dikujin û xwezayê xira dikin.”
Nivîskar Latîf diyarkir ku leşkerên Tirk bi rehetî nikarin li Colemêrg, Dêrsim û bajarên din yên Bakûrê Kurdistanê jî bigerin û wiha dewam kir; “Leşkerên Tirk nikarin bi xwesteka xwe li hinek bajarên Bakûrê Kurdistanê jî tev bigere. Heya vê kêliyê jî, Kurd aştî û azadiyê dixwazin. Kurd peyama bihevre jiyankirinê didin.”
Nivîskar Letîf di dawiyê de kişand ser dîroka dagirkeriyê ya dewleta Tirk û got; “Di dîrokê de her tim dewleta Tirk dijminahiya Kurdan kiriye. Her tim Tirkiye li hember mafê Kurdan bûye asteng. Lê hertim Kurdan li hemberî vê yekê jî peyama aştî û jiyana bi hev re daye.”…ROJNEWS
Dewleta Tirk dijminê Kurdan e
